Search Box

Rukmini (1997)



చిత్రం: రుక్మిణి (1997)
సంగీతం: విద్యాసాగర్
సాహిత్యం: సిరివెన్నెల (All)
గానం: సుజాత
నటీనటులు: వినీత్, రుక్మిణి విజయ్ కుమార్ (తొలిపిరిచయం)
మాటలు: జి.సత్యమూర్తి
స్క్రీన్ ప్లే, దర్శకత్వం: రవిరాజా పినిశెట్టి
నిర్మాత: రమణమూర్తి జొన్నాడ
విడుదల తేది: 1997

గోదారి రేవులోన రాదారి నావలోన
నా మాట చెప్పుకుంటు ఉంటారంటా
నా నోట చెప్పుకుంటె బాగోదొ ఏమో కాని
నాలాంటి అందగత్తె నేనేనంట
కూసంత నవ్వగానే పున్నాగ పువ్వులాగ
పున్నాలు పూయునంట కన్నుల్లో
కాసింత కోపమొస్తే ఊరంత ఉప్పెనొచ్చి
ఎందుకో ఏమిటో చెప్పమంటు సందడంట

గోదారి రేవులోన రాదారి నావలోన
నా మాట చెప్పుకుంటు ఉంటారంటా
నా నోట చెప్పుకుంటె బాగోదొ ఏమో కాని
నాలాంటి అందగత్తె నేనేనంట

పాట అంటె నాదెగాని కోయిలమ్మదా ఉట్టి కారుకూతలే..
ఆట అంటె నాదెగాని లేడిపిల్లదా ఉట్టి పిచ్చిగంతులే..
పొలాల వెంట ఛెంగుమంటు సాగుతూ పదాలు పాడితే
జిగేలుమంటు కళ్ళు చెదిరి ఆగవా జులాయి గాలులే
ఏ చిన్న మచ్చలేని నా వన్నె చిన్నె చూసి
చంద్రుడే సిగ్గుతో మబ్బు చాటు చేరుకోడా

గోదారి రేవులోన రాదారి నావలోన
నా మాట చెప్పుకుంటు....
నా నోట చెప్పుకుంటె బాగోదొ ఏమో కాని
నాలాంటి అందగత్తె....

నాకు పెళ్ళి ఈడు వచ్చి పెద్దవాళ్ళకీ ఎంత చిక్కు తెచ్చెనే
రాకుమారిలాంటి నాకు జోడు వెతకడం వాళ్ళకెంత కష్టమే
ఫలాని దాని మొగుడు గొప్పవాడనీ అనాలి అందరూ
అలాని నాకు ఎదురు చెప్పకూడదే మహానుభావుడూ
నాకు తగ్గ చక్కనోడు నేను మెచ్చు అ మగాడు
ఇక్కడే ఎక్కడో తపస్సు చేస్తు ఉంటాడు

గోదారి రేవులోన రాదారి నావలోన
నా మాట చెప్పుకుంటు ఉంటారంటా
నా నోట చెప్పుకుంటె బాగోదొ ఏమో కాని
నాలాంటి అందగత్తె నేనేనంట
కూసంత నవ్వగానే పున్నాగ పువ్వులాగ
పున్నాలు పూయునంట కన్నుల్లో
కాసింత కోపమొస్తే ఊరంత ఉప్పెనొచ్చి
ఎందుకో ఏమిటో చెప్పమంటు సందడంట


No comments

Most Recent

Default