Note Book (2007)

చిత్రం: నోట్ బుక్ (2007)
సంగీతం: మిక్కీ జె మేయర్
సాహిత్యం: వనమాలి
గానం: నిత్య సంతోషిణి
నటీనటులు: రాజీవ్, గాయత్రి
దర్శకత్వం: చందు
నిర్మాత: వెల్లంపల్లి ప్రసాద్
విడుదల తేది:

ఈ గాలిలో.. ఊరేగు రాగాలలో
ఈ వేళ నా.. మనవిని వినవా
నీ ఊసులే.. నా గుండె లోగిళ్ళలో
దాచానులే.. మనసును కనవా

నాలో.. లో లోనా.. నిన్నే చూస్తున్నా
నువ్వే నేనా విడలేని శ్వాసనా
రోజూ..నీడల్లే..నిన్నే వెంటాడే
పాదం కానా..కడదాక సాగనా

ఈ గాలిలో ఊరేగు రాగాలలో
ఈ వేళ నా మనవిని వినవా

పూసే..పువ్వా..ఇది విన్నావా
కూసే..గువ్వా..ఇటుగా వాలవా
మువ్వా..నువ్వూ..దయచేసావా
పువ్వులా విరబూస్తున్నా..గువ్వలా ఎగిరొస్తున్నా
మువ్వలా నవ్వుతున్నా..నన్ను చూడవే

తెలుపరే ఇకమీదైనా..మారదా మన తీరైనా
గుండెలో ప్రేమై రానా !

ఈ గాలిలో ఊరేగు రాగాలలో
ఈ వేళ నా మనవిని వినవా
ఈ ఊసులే నా గుండె లోగిళ్ళలో
దాచానులే మనసుని కనవా

నిన్నా..మొన్నా..కలగన్నానా
నేడే..నన్నే..ఎద కవ్వించెనా
రేయీ..పగలూ..తన ధ్యాసేనా
ఇంతగా వారిస్తున్నా..చెంతకే రానంటున్నా
ఎందుకీ మనసుకు మాత్రం ఇంత యాతనా
జంటగా ముడిపెడుతున్నా
జంకితే ముడి దొరికేనా
జన్మకే బంధం కానా !

నాలో..లో లోనా.. నిన్నే చూస్తున్నా
నువ్వే విన్నా విడలేని శ్వాసనా
రోజూ..నీడల్లే..నిన్నే వెంటాడే
పాదం కానా..కడదాక సాగనా

ఈ గాలిలో ఊరేగు రాగాలలో
ఈ వేళ నా మనవిని వినవా
ఈ ఊసులే నా గుండె లోగిళ్ళలో
దాచానులే మనసుని కనవా

Share This: