చిత్రం: విజయ సింహా (1965) సంగీతం: రాజన్ నాగేంద్ర సాహిత్యం: సి.నారాయణ రెడ్డి, దాశరథి, జి.కృష్ణమూర్తి గానం: పి.సుశీల, పి.బి.శ్రీనివాస్, యస్.జానకి, ఎల్.ఆర్.ఈశ్వరి నటీనటులు: కాంతారావు, రాజనాల, యస్.వరలక్ష్మి, రాజశ్రీ, ఎల్.విజయలక్ష్మి, గీతాంజలి, బాలమణి దర్శకత్వం: బి.విఠలాచార్య నిర్మాత: సుందర్ లాల్ నహత విడుదల తేది: 28.01.1965
Songs List:
అదుగో అదుగో పూదోట పాట సాహిత్యం
చిత్రం: విజయ సింహా (1965) సంగీతం: రాజన్ నాగేంద్ర సాహిత్యం: సి. నారాయణ రెడ్డి గానం: యస్. జానకి అదుగో అదుగో పూదోట ఎదురై ఆడెను సయ్యాట. రారేమె, రారేమె చెలులారా ఈరోజు ఆడాలి మనసారా ॥అదుగో అదుగో॥ కొమ్మ కొమ్మలో కోయిల గానం "కో"యని సాగినది. రెమ్మ రెమ్మలో కమ్మని రాగం రిమ ఝిమ లాడినది చిగురులు వేసి, సొగసుగ పూచీ జగమే నిగనగ లాడినది ॥అదుగో అదుగో॥ అల్లనసాగే అందెలు తామే ఘల్లున మ్రోగినవీ పిల్లగాలిలో ఉల్లము తానే జిల్లున రేగినది - పరుగులు తీసి పందెము వేసి పరువము జలజల పారినది ॥అముగో అదుగో॥
గుర్రమెక్కి పోతున్న పాట సాహిత్యం
చిత్రం: విజయ సింహా (1965) సంగీతం: రాజన్ నాగేంద్ర సాహిత్యం: సి. నారాయణ రెడ్డి గానం: పి. సుశీల గుర్రమెక్కి పోతున్న ఎర్రబుగ్గల చిన్నోడా కుర్రదాని సంగతేమిరా దాని కోడెవయసు చూడవేమిరా! మంచినీళ్ళ బావికాడ మాటాడాలనుకొంటి మామిళ్ళ తోటలో మనసియ్యా లనుకొంటి ముస్తాబై వుంటి - వస్తావనుకుంటి చుక్కపొడిచేదాకా - చూస్తూనే కూసుంటి జొన్నకండె లిస్తాను జుంటి తేనె లిస్తాను ఎన్నడు వాడిపోని కన్నెవలపు లిస్తాను తోడుగ వస్తాను - జోడుగ వస్తాను నీ నవ్వుకోసం నా ప్రాణమైన యిస్తాను
మరి మరి రాదూ మదుర క్షణమూ పాట సాహిత్యం
చిత్రం: విజయ సింహా (1965) సంగీతం: రాజన్ నాగేంద్ర సాహిత్యం: జి. కృష్ణమూర్తి గానం: యస్. జానకి మరి మరి రాదూ మదుర క్షణమూ ఉందోయి నీముందే ఆనందించుము గాలివీవన నీకోసం పూలవాసన నీకోసం తార కులికే నీకోసం కోరవలపే నీకోసం దాచిందీ యీ లోకం రా _ దోచుకుందము మీటవోయ్ వీణ మ్రోగుతందీ కోటి స్వరముల తూగుతుందీ మోటతనమే మానవోయీ పాట నడుమనే ఆగునోయీ రంగేళి నా రాజా రాగాల సాగుము
కోటికి ఒక్కడులే నాబావా! పాట సాహిత్యం
చిత్రం: విజయ సింహా (1965) సంగీతం: రాజన్ నాగేంద్ర సాహిత్యం: దాశరథి గానం: యస్. జానకి కోటికి ఒక్కడులే నాబావా! చేతికి చిక్కెసులే నాబావా! తై తై లాడిస్తా - ఎంతో ఊరిస్తా ఏమేమో చేసేస్తా బలే బలే బలేగా తీయని సన్నాయి పలుకును రేపే తీరని కోరిక తీరును రేపే మనసున మల్లెలు నవ్వును రేపే కిలకిలకిలమని కుషీ కుషీగా ముక్కుకు తాడేసీ నాతో నడిపిస్తా టక్కరి బావను దారికి తెచ్చేస్తా చెబితే వినకుంటే చెళ్ళున వడ్డిస్తా వలపులు చిలికిస్తా అలా అలా అలాగా
రమ్మన్నావని రాలేదు పాట సాహిత్యం
చిత్రం: విజయ సింహా (1965) సంగీతం: రాజన్ నాగేంద్ర సాహిత్యం: సి. నారాయణ రెడ్డి గానం: ఎల్. ఆర్. ఈశ్వరి రమ్మన్నావని రాలేదు పొమ్మన్నావని పోలేను కలలో ఎందుకు కనపడలేదని అడగాలనుకున్నాను కత్తులు విసిరిన చేయి కండలు తిరిగిన చేయి మెత్తని పువ్వుల గుత్తులు నాపై మెల్ల మెల్లగా విసురుతువుంటే చూడాలనుకున్నాను పచ్చిక పానుపుపైన విచ్చిన వెన్నెలలోన ముచ్చటలెన్నో మురిపాలెన్నో ముద్దు ముద్దుగా తెలుపుతువుంటే విందామనుకున్నాను
ఔననవు కాదనవు పాట సాహిత్యం
చిత్రం: విజయ సింహా (1965) సంగీతం: రాజన్ నాగేంద్ర సాహిత్యం: సి. నారాయణ రెడ్డి గానం: పి. బి. శ్రీనివాస్ ఔననవు కాదనవు మౌనమేలనే చెలి ఏమను. ఏమనను ఎదుట నిలిచె జాబిలి తొందర నడకలు చాలు కందును నీపాదాలు ఎదిగిన వలపులు ఎదలో కదలగ -ఏదో చక్కిలిగిలి సిగ్గుల భరిణవు నీవు నాచేతికి అందకపోవు అందము నీ కనువిందుల సేయగ_ఎందుకులే కౌగిలి
పండగ చేతము రారమ్మా పాట సాహిత్యం
చిత్రం: విజయ సింహా (1965) సంగీతం: రాజన్ నాగేంద్ర సాహిత్యం: దాశరథి గానం: యస్. జానకి, ఎల్. ఆర్. ఈశ్వరి పండగ చేతము రారమ్మా మన చిట్టి పుట్టినరోజమ్మా రేపోమాపో కల్యాణం రాణీ కాగల శుభయోగం నిన్న మొన్న దాక చిన్నారి రెమ్మ నేడు నిండైన బంగారు బొమ్మ వయసు, సొగసుగల చిలకమ్మా వాలు చూపులతో బాణాలు వేయు కొంటినవ్వులతో ప్రాణాలుతీయు అవునే, అవునే, అది నిజమమ్మా ఎంత వన్నెలాడి వే ఎంత చిలిపిదానివే నీదేలే, నీదేలే భాగ్యమూ కనువిందైన అందాలరాజు నిను చేపట్టితే బిలేమోజు వారెవా, వారెవా, వారెవాహ్వ! నీ చెలికాని మనసున మెలిగి నిమ్మపండంటి పిల్లలు కలిగి కలిసి, మెలిసీ, వర్ధిల్లమ్మా మము మరచిపోదువో ఇక మురిసిపోదువో నీదెలే, నీదెలే భాగ్యము
Share This:
No comments
Post a Comment