చిత్రం: అగ్నిపరీక్ష (1970) సంగీతం: పి.ఆదినారాయణ రావు నటీనటులు: కృష్ణ , విజయనిర్మల, బేబీ శ్రీదేవి దర్శకత్వం: కె. వరప్రసాద రావు నిర్మాత: జి. ఆదిశేషగిరరావు విడుదల తేది: 10.07.1970
సూపర్ స్టార్ కృష్ణ గారితో బేబీ శ్రీదేవి నటించిన సినిమాలు:
1. మా నాన్న నిర్దోషి (1970) - బేబీ శ్రీదేవి 2. విధి విలాసం (1970) - బేబీ శ్రీదేవి 3. అగ్నిపరీక్ష (1970) ) - బేబీ శ్రీదేవి 4. అత్తలు కోడళ్లు (1971) - బేబీ శ్రీదేవి 5. నేనూ మనిషినే (1971) - బేబీ శ్రీదేవి 6. రాజమహల్ (1972) - కుమారి శ్రీదేవి 7. మేనకోడలు (1972) - కుమారి శ్రీదేవి 8. మల్లమ్మ కథ (1973) - బేబీ శ్రీదేవి 9. మమత (1973) - బేబీ శ్రీదేవి 10. మీనా (1973) - బేబీ శ్రీదేవి 11. దేవుడులాంటి మనిషి (1975) - కుమారి శ్రీదేవి (1972 లో రిలీజ్ అయిన సినిమాల్లో కుమారి శ్రీదేవి అని టైటిల్స్ లో ఉంది, కానీ 1973 లో రిలీజైన మల్లమ్మ కథ, మమత, మీనా సినిమాల్లో మాత్రం బేబీ శ్రీదేవి అని ఉంది, అంటే బహుశా ఈ సినిమాలు రిలీజ్ ఆలస్యం అయ్యుంటుంది)
Songs List:
కలవారి వినోదాలు పాట సాహిత్యం
చిత్రం: అగ్నిపరీక్ష (1970) సంగీతం: పి.ఆదినారాయణ రావు సాహిత్యం: దాశరథి గానం: సుశీల సాకీ: ఆడదాన్ని ఆటబొమ్మ అనుకుంటారు అడిగినంత ధనం పోసి కొనగలమనుకుంటారు మగువ కూడా మనిషన్నది మరిచే పోతారు పలవి: కలవారి వినోదాలు మగవారి విలాసాల కలకాలం బానిసగా ఈ ఆడది బ్రతకాలా ||కలవారి|| చరణం: 1 సొగసులున్న మనిషి మీకు కావాలి ఆ మనిషిలోని మన సెవరికి కావాలి ప్రతివాడికి తన సుఖమే కావాలి ఎదుటివారి బాధ ఎవరికి కావాలి వెలకట్టి మీరు ఆడదాన్ని వెలయాలు చేసినారు మా జీవితాల మల్లెలన్ని మీ కాలరాచినారు ఈ దీనురాలి కన్నీరే మీ పన్నీరాయె ||కలవారి॥ చరణం: 2 అన్నారని సీతమ్మకు అగ్నిపరిక్షా ఆ నాటికి ఈ నాటికి ఆడదానికేనా శిక్షా మారలేదా... మారబోదా... ఏనాటికి.... ఈ తీరు.... ఆడదాని అందం దోచి అణచి వేసే వారే అంతా వాడిపోయిన గులాబిలాగే పారవేయుట మీకొక వింత లోకమంతా ఇంతేలే..
నాలోన నిన్ను చూసుకో పాట సాహిత్యం
చిత్రం: అగ్నిపరీక్ష (1970) సంగీతం: పి.ఆదినారాయణ రావు సాహిత్యం: ఆరుద్ర గానం: ఘంటసాల, సుశీల నాలోన నిన్ను చూసుకో నీలోన నన్ను నిలుపుకో నిండారు ప్రేమ సీమలో నీవూ - నేనూ - ఒక టేలే ॥ నాలోను || ఎన్నో ఎన్నో యుగాలుగా నిన్నె కదా తలంచాను నిన్నే సదా వరించాను నమ్మినా మానినా నా మదీ నీదిలే జగాలు ఎన్ని మారినా జతగా మనమే నిలుతములే ॥ నాలోను|| కోరికలే పూచిన పూలు అవే మన తలంబ్రాలు - అవే అవే వసంతాలు అవే అవే వరాలోయ్ ఏడనీ కలయిక వాడని మాలకి సరాగ స్వప్న జగతిలో కలిసి మెలసీ కరిగెదమా || నాలోన||
ఇదా మీ సభ్యత పాట సాహిత్యం
చిత్రం: అగ్నిపరీక్ష (1970) సంగీతం: పి.ఆదినారాయణ రావు సాహిత్యం: శ్రీ శ్రీ గానం: ఘంటసాల పల్లవి: ఇదా మీ సభ్యత ఇదా మీ నాగరికత ఇదేనా సంస్కృతి ఈ తరగని పరుగుల జోరేనా ప్రగతి ! చరణం: 1 పతితులకే సమాదరణా సవిత్రులకే నిరాదరణా పతివ్రత లెవరో కానరా అపనిందలు వేయుట మానరా అనురాగమె - అభిమానమె కరువైన జగాన విషాదపు గాథలు కాక సుఖము కలదా ! చరణం: 2 నాయకులే వినాయకులా వినాయకులే విధాయకులా అసత్యమె రాజ్యం చేసెనా అధర్మమే చిందులు వేసెనా రహదారిలో పెడదారులా పెనుచీకటి చాటున సాగే మోసపు తీరు చరణం: 3 కృత్రిమమే ప్రశస్తమని కుతంత్రములే స్వతంత్రమనీ విచ్చల విడియే నీతిగా పిచ్చెక్కిన కోతుల రీతిగా పొరపాటులే అలవాటుగా తిరుగాడు షరాబుల పోజులు మారే రోజు రాకపోయే
కొండపై నిండుగా పాట సాహిత్యం
చిత్రం: అగ్నిపరీక్ష (1970) సంగీతం: పి.ఆదినారాయణ రావు సాహిత్యం: కొసరాజు గానం: ఘంటసాల పల్లవి: కొండపై నిండుగా కొలువున్న మా తల్లి కనక దుర్గా నీకు జేజేలు లోక జనని శాంభవి నీకు దండాలు || కొండపై || చరణం: 1 భూలోకమందు మా పూజలందుకొనంగ దుర్గవే- యిటకు దిగివచ్చావు కనక దురవై యిక్కడే నిలచావు కాళివైనా మహంకాళి వైనా నీవె బహురూపముల మమ్ము బ్రోచు అంబవు నీవే చరణం: 2 శాంతమ్ము తో నీవు ప్రత్యక్షమైతేను చిరునవ్వు వెన్నెలలు కురిసేను కరుణా రసము వెల్లి విరిసేను ఉగ్రమ్ముతో నీవు ఉరిమి చూచావంటే గప్పు గప్పున నిప్పులురికేను గుప్పు గుప్పున మంటలేగ సేను దుర్గా కనకదుర్గా కనకదుర్గా
ఎలాగనీ ఎలాగనీ పాట సాహిత్యం
చిత్రం: అగ్నిపరీక్ష (1970) సంగీతం: పి.ఆదినారాయణ రావు సాహిత్యం: దేవులపల్లి కృష్ణశాస్త్రి గానం: సుశీల పల్లవి: ఎలాగనీ ఎలాగనీ నిండిన మనసందాకా నిలచుండలేక పాడాలనీ ఎలాగనీ ఎలాగనీ ||ఎలాగనీ|| చరణం: 1 వాకిటి తలుపిక వేయను ఈ కన్నులు మూయనె మూయను తొందర తొందరలైతే ఆనందమె సాగర మైతే కనువిందుగా నా ముందర కనుపించేదాకా ఎలాగనీ చరణం: 2 దాచిన అశ్రుల జల్లులలో తడిసిన చూపుల మల్లెలతో దాగని నవ్వుల దివ్వెలతో స్వాగతమిచ్చే తొందరలో చిరుగాలిలో విరుతీగలా ఓడలూగిపోతే ఎలాగని చరణం: 3 ఆ అడుగుల సడి నా కొరకే ఆ నడకల వడి నా కొరకే దవు దవ్వులనే వినిపించగా రివ్వు రివ్వుననే నెదు రేగగ తన కౌగిట నను చేరిచి దయ చూపేదాకా ఎలాగనీ ||ఎలాగు||
Share This:
No comments
Post a Comment