Search Box

Sammohanam (2018)



చిత్రం: సమ్మోహనం (2018)
సంగీతం: వివేక్ సాగర్
సాహిత్యం: సిరివెన్నెల
గానం: హరిచరణ్, కీర్తన
నటీనటులు: సుధీర్ బాబు, అదితిరావు హైదరి
దర్శకత్వం: ఇంద్రగంటి మోహన్ కృష్ణ
నిర్మాత: శివలెంక కృష్ణప్రసాద్
విడుదల తేది: 15.06.2018

ఊహలు ఊరేగే గాలంతా
ఇది తారలు దిగివచ్చే వేళంటా
ఊహలు ఊరేగే గాలంతా
ఇది తారలు దిగివచ్చే వేళంటా
ఈ సమయానికి తగుమాటలు ఏమిటో
ఎవ్వరినడగాలట
చాలా పద్దతిగా భావం తెలిసి
ఏదో అనడం కంటే
సాగే కబుర్లతో కాలం మరిచి
సరదా పడదామంతే

ఊహలు ఊరేగే గాలంతా
ఇది తారలు దిగివచ్చే వేళంటా

పరవశమా మరీ ఇలా
పరిచయమంత లేదుగా
పొరబడిపోకు అంతలా
నను అడిగావా ముందుగా
నేనేదో భ్రమలో ఉన్నానేమో
నీ చిరునవ్వేదో చెబుతోందని
అది నిజమే అయినా
నాతో అనకూ నమ్మలేనంతగా..

ఊహలు ఊరేగే గాలంతా
ఇది తారలు దిగివచ్చే వేళంటా

తగదు సుమా అంటూ ఉంటే
తలపు దుమారం ఆగదే
తొలి దశలో అంతా ఇంతే
కలవరపాటు తేలదే
ఈ బిడియం గడియే తెరిచేదెపుడో
నా మదిలో మాట తెలిపేందుకు
ఇదిగో ఇదదే అనుకోమనకు
ఆశలే రేపగా...ఆఆ...

ఊహలు ఊరేగే గాలంతా
ఇది తారలు దిగివచ్చే వేళంటా
ఈ సమయానికి తగుమాటలేమిటో
ఎవ్వరినడగాలట

చాలా పద్దతిగా భావం తెలిసి
ఏదో అనడం కంటే
సాగే కబుర్లతో కాలం మరిచి
సరదా పడదామంతే

చాలా పద్దతిగా భావం తెలిసి
ఏదో అనడం కంటే
సాగే కబుర్లతో కాలం మరిచి
సరదా పడదామంతే

No comments

Most Recent

Default