Home Movies / Albums Chitramala Image Gallery Contact Profiles About

Search Box

Vakeel Saab (2021)






చిత్రం: వకీల్ సాబ్ (2021)
సంగీతం: ఎస్. థమన్
నటీనటులు: పవన్ కళ్యాణ్, శృతి హాసన్, నివేత థామస్, అనన్య నగళ్ళ, అంజలి, ప్రకాష్ రాజ్
దర్శకత్వం: వేణు శ్రీరామ్
నిర్మాత: దిల్ రాజు, బోనీ కపూర్
విడుదల తేది: 2021





చిత్రం: వకీల్ సాబ్ (2021)
సంగీతం: ఎస్. థమన్
సాహిత్యం: రామజోగయ్య శాస్త్రి
గానం: సిద్ శ్రీరామ్

మగువా మగువా
లోకానికి తెలుసా నీ విలువా
మగువా మగువా
నీ సహనానికి సరిహద్దులు కలవా

అటు ఇటు అన్నింటా, నువ్వే జగమంతా
పరుగులు తీస్తావు ఇంటా బయట
అలుపని రవ్వంత అననే అనవంట
వెలుగులు పూస్తావు వెళ్లే దారంత

సా గమపమాగసా గమపమాగసా
గమపమాగ గమపమాగ గమనిపామస
గమపమాగసా  గమపమాగసా
గమపమాగ గమపమాగ గమనిపామస

మగువా మగువా
లోకానికి తెలుసా నీ విలువా
మగువా మగువా
నీ సహనానికి సరిహద్దులు కలవా

చరణం:
నీ కాటుక కనులు విప్పారకపోతే 
ఈ భూమికి తెలవారదుగా
నీ గాజుల చేయి కదలాడకపోతే 
ఏమనుగడ కొనసాగదుగా

ప్రతి వరసలోను ప్రేమగా అల్లుకున్న బంధమా
అంతులేని నీ శ్రమా అంచనాలకందునా
ఆలయాలు కోరని ఆదిశక్తి రూపమా 
నీవులేని జగతిలో దీపమే వెలుగునా

నీదగు లాలనలో ప్రియమగు పాలనలో 
ప్రతి ఒక మగవాడు పసివాడేగా
ఎందరి పెదవులలో ఏ చిరునవ్వున్నా 
ఆ సిరి మెరుపులకు మూలం నువ్వేగా

సా గమపమాగసా గమపమాగసా
గమపమాగ గమపమాగ గమనిపామస
గమపమాగసా  గమపమాగసా
గమపమాగ గమపమాగ గమనిపామస

మగువా మగువా
లోకానికి తెలుసా నీ విలువా
మగువా మగువా
నీ సహనానికి సరిహద్దులు కలవా







చిత్రం: వకీల్ సాబ్ (2021)
సంగీతం: ఎస్. థమన్
సాహిత్యం: రామజోగయ్య శాస్త్రి
గానం: శంకర్ మహదేవన్
ర్యాప్: పృధ్వీ చంద్ర

జన జనజన జనగణమున
కలగలిసిన జనం మనిషిరా
మన మన మన మనతరపున
నిలబడగల నిజం మనిషిరా

నిశి ముసిరిన కలలను తన వెలుగుతో
గెలిపించు ఘనుడురా
పడి నలిగిన బతుకులకొక
బలమగు భుజమివ్వగలడురా

వదలనే వదలడు ఎదురుగా తప్పు జరిగితే
ఇతనిలా ఓ గళం మన వెన్నుదన్నై పోరాడితే

సత్యమేవ జయతే సత్యమేవ జయతే
సత్యమేవ జయతే సత్యమేవ జయతే

జనజన జన జనగణమున
కలగలిసిన జనం మనిషిరా
మన మన మన మనతరపున
నిలబడగల నిజం మనిషిరా

నిశి ముసిరిన కలలను తన వెలుగుతో
గెలిపించు ఘనుడురా
పడి నలిగిన బతుకులకొక
బలమగు భుజమివ్వగలడురా

గుండెతో స్పందిస్తాడు
అండగా చెయ్యందిస్తాడు

ఇలా చెంప జారెడి ఆఖరి అశ్రువునాపెడివరకు
అనునిత్యం బలహీనులందరి ఉమ్మడి గొంతుగ
పోరాటమే తన కర్తవ్యం

వకాల్తా పుచ్చుకుని వాదించే ఈ వకీలు
పేదోళ్ళ పక్కనుండి కట్టిస్తాడు బాకీలు
బెత్తంలా చుర్రుమని కక్కిస్తాడు నిజాలు
మొత్తంగా న్యాయానికి పెట్టిస్తాడు దండాలు

ఇట్టాంటి ఒక్కడుంటే అంతే చాలంతే
గొంతెత్తి ప్రశించాడో అంతా నిశ్చింతే
ఇట్టాంటి అన్యాయాలు తలెత్తవంతే
నోరెత్తే మోసగాళ్ళ పత్తా గల్లంతే

సత్యమేవ జయతే సత్యమేవ జయతే
సత్యమేవజయతే సత్యమేవ జయతే
సత్యమేవ జయతే






No comments

Most Recent

Default