Home Movies / Albums Chitramala Image Gallery Contact Profiles About

Search Box

Choosi Choodangaane (2020)








చిత్రం: చూసీ చూడంగానే (2020)
సంగీతం: గోపి సుందర్
సాహిత్యం: అనంత శ్రీరామ్
గానం: చిన్మయి శ్రీపద
నటీనటులు: శివ కందుకూరి, వర్ష బొల్లమ్మ
దర్శకత్వం: శేష సింధు రావు
నిర్మాణ సంస్థ: దర్మపత క్రియేషన్స్
విడుదల తేది: 31.01.2020

వెనకనే ఉన్నా నీ కోసం ఒక క్షణమైనా చూశావా
నీ ఎదురుగా ఓ బెదురుగా నిలబడలేక వెనకే
నే మసలితే నువ్వసలిటు తిరిగావా తిరిగావా
అలసిన చూపులే నీ వీపుని అనువైనా తాకలేదా
ఎగసిన ఆశలే నీ శ్వాసలా  అడుగైనా వెయ్యలేదా కనుగొనవా..!

వెనకనే ఉన్నా.. నీ కోసం
ఒక క్షణమైనా చూశావా

నీ వెంట ఉండేవాళ్ళు  నాకు మరి స్నేహితులే
నీతోటి స్నేహం కుదరదెలా
మాటల్లో ఎన్నో సార్లు  నీ చిలిపి సంగతులే
మాటైన నీతో కలవదెలా

తలచే పేరు పిలిచే తీరు తెలిసేది ఎన్నడీ-పెదవికి
కొలిచే నాకు.. వలచి కిటుకు
నేర్పేది ఎవ్వరీ-జన్మకి ఎంతైనా ఎంతైనా
చెలియను రా.. చెలియను రా
చొరవగ ఎగబడి చెబుతానా

వెనకనే ఉన్నా.. నీ కోసం
ఒక క్షణమైనా చూశావా...

పోగేసుకున్నానిప్పుడు నీ గురుతులెన్నిటినో
నేన్నీకు చూపే ఋజువులుగా...
వెంటాడుతున్నానిప్పుడు నీ కళలనెందుకనో
నీడైనా రావా నిజములుగా...

పగలు రేయి చదువు మాని తెగ వేచి వేచి వేసారినా
నలకంతైనా ఆలాకె రాని హృదయాన్ని చేయకోయి చులకన ఏదోలా ఏదోలా
తలుపులనీ తెలుసుకొని..
తడబడు మనసుకి ముడిపడవా...

వెనకనే ఉన్నా నీ కోసం ఒక క్షణమైనా చూశావా
నీ ఎదురుగా ఓ బెదురుగా నిలబడలేక.. వెనకే
నే మసలితే నువ్వసలిటు తిరిగావా.. తిరిగావా

అలసిన చూపులే నీ వీపుని అనువైనా తాకలేదా
ఎగసిన ఆశలే నీ శ్వాసలా అడుగైనా వెయ్యలేదా కనుగొనవా..

వెనకనే ఉన్నా నీ కోసం..
ఒక క్షణమైనా చూశావా..







చిత్రం: చూసీ చూడంగానే (2020)
సంగీతం: గోపి సుందర్
సాహిత్యం: అనంత శ్రీరామ్
గానం: సిద్ శ్రీరామ్

నీ పరిచయముతో నా మదిని గెలిచా 
నీ పలకరింపుతో నా దిశను మార్చినా
అడుగు నీతో కలిపి అలసటలెన్నో మరిచా
నలుగురితో నేనున్నా విడిపడి నీకై నడిచా

నీ పరిచయముతో నా మదిని గెలిచా

ఏ గతము ఎదురవధిక నీ తలపే జతపడితే
ఏ గురుతు నిలబడదిక నీ పిలుపే వినపడితే
నాలోని లోతు చూపిన 
నీ పరిచయముతో నిలువునా నే వెలిగి వెలుగులలో నే మునిగా
పదనిసలేవో తడిమి పరవశమై పైకెగిరా

నీ చెలిమే ప్రతిక్షణముని నా వరకు నడిపినదీ
నీ మహిమే ప్రతి మలుపుని తీరముగ మలిచినది
నాలోని నన్ను చేర్చిన 

నీ పరిచయముతో
నీ పరిచయముతో నా కళను కలిశా
నీ వెలుగు వానలో నే తడిసిపోయిన
అడుగు నీతో కలిపి అలసటలెన్నో మరిచా
నలుగురితో నేనున్నా విడిపడి నీకై నడిచా
చివరిదాకా నిలిచే హృదయమునే నే కలిశా
చెరగని ప్రేమై మిగిలే మనసుని నేనై మురిశా



No comments

Most Recent

Default