Search Box

Devata (1965)




చిత్రం: దేవత (1965)
సంగీతం: ఎస్.పి. కోదండపాణి
నటీనటులు: యన్.టి. ఆర్, సావిత్రి
దర్శకత్వం: కె. హేమాంబరధ రావు
నిర్మాతలు: బి. పద్మనాభం, బి.పురుషోత్తం
విడుదల తేది: 24.07.1965




చిత్రం: దేవత (1965)
సంగీతం: ఎస్.పి. కోదండపాణి
సాహిత్యం: వీటూరి వెంకట సత్యసూర్యనారాయణమూర్తి
గానం: ఘంటసాల

(గమనిక: వేటూరి సుందరరామ మూర్తి, వీటూరి వెంకట సత్యసూర్యనారాయణమూర్తి ఇద్దరు వేరు వేరు కానీ ఇద్దరు పాటలు రచయితలు)

పల్లవి:
ఆలయాన వెలిసిన ఆ దేవుని రీతి
ఇల్లాలే ఈ జగతికి జీవన జ్యోతి
ఆలయాన వెలిసిన ఆ దేవుని రీతి
ఇల్లాలే ఈ జగతికి జీవన జ్యోతి
ఇల్లాలే ఈ జగతికి జీవన జ్యోతి

చరణం: 1
పతిదేవుని మురిపించే వలపుల వీణ
జీవితమే పండించే నవ్వుల వాన
కష్టసుఖాలలో తోడూ నీడగా
తల్లిని మరిపించే యిల్లాలి ఆదరణ
కష్టసుఖాలలో తోడూ నీడగా
తల్లిని మరిపించే యిల్లాలి ఆదరణ
మగువేగా మగవానికి మధుర భావనా

ఆలయాన వెలిసిన ఆ దేవుని రీతి
ఇల్లాలే ఈ జగతికి జీవన జ్యోతి
ఇల్లాలే ఈ జగతికి జీవన జ్యోతి

చరణం: 2
సేవలతో అత్తమామ సంతసించగా
పదిమందిని ఆదరించు కల్పవల్లిగా
సేవలతో అత్తమామ సంతసించగా
పదిమందిని ఆదరించు కల్పవల్లిగా
తనయుని వీరునిగా పెంచే తల్లిగా
సతియే గృహసీమను గాచే దేవతగ
తనయుని వీరునిగా పెంచే తల్లిగా
సతియే గృహసీమను గాచే దేవతగ
సృష్టించెను ఆ దేవుడు తనకు మారుగా

ఆలయాన వెలిసిన ఆ దేవుని రీతి
ఇల్లాలే ఈ జగతికి జీవన జ్యోతి
ఇల్లాలే ఈ జగతికి జీవన జ్యోతి





చిత్రం: దేవత (1965)
సంగీతం: ఎస్.పి. కోదండపాణి
సాహిత్యం: వీటూరి వెంకట సత్యసూర్యనారాయణమూర్తి
గానం: పి.సుశీల

అందము లొల్కు మోముపై
హాస విలాస మనోజ్ణ రేఖలే చిందులు వేయ
వాల్కనుల సిగ్గులు మొగ్గలుపూయ
అందియల్ సందడి సేయ
కాంతివలె చల్లగ జానకి వచ్చె
ఓరగా సుందరుడైన రాఘవుని చూచె
తటాలున పూలమాలికా బంధము వైచె
దేవతలు పాడగా.. లోకము సంతసించగా
ఆ... ఆ... ఆ..





చిత్రం: దేవత (1965)
సంగీతం: ఎస్.పి. కోదండపాణి
సాహిత్యం: దాశరధి
గానం: యస్.జానకి

సాకీ:
అందమైన చల్లని రేయి
చల్లని రేయిని చక్కని అమ్మాయి
ఆ అమ్మాయితో ఉంది హాయి
ఆ హాయిలో ఉంది జీవితమోయి

పల్లవి:
అరె ఖుషీ ఖుషీ చేస్తేనే కలుగు హుషారు
బలె బలె మోగునులే వలపు సితారు
ఖుషీ ఖుషీ చేస్తేనే కలుగు హుషారు
బలె బలె మోగునులే వలపు సితారు
వలపు మజా చూపిస్తా ఇటురావోయీ

ఖుషీ ఖుషీ చేస్తేనే కలుగు హుషారు

చరణం: 1
నాతో దీటైన నాయకుడవు నీవేలే
నీకు సరియైన ప్రియురాలిని నేనేలే
నాతో దీటైన నాయకుడవు నీవేలే
నీకు సరియైన ప్రియురాలిని నేనేలే
మల్లె విరజాజి మనసూ నీకేలే
మల్లె విరజాజి మనసూ నీకేలే
గులాబి రేకు వంటి నా సొగసూ నీకేలే
అందించిన అందాన్ని అనుభవించవోయ్
వృధా చేయకోయ్... చేజారనీయకోయ్...
ఇదే సమయమోయ్...

అరె ఖుషీ ఖుషీ చేస్తేనే కలుగు హుషారు
బలె బలె మోగునులే వలపు సితారు
వలపు మజా చూపిస్తా ఇటురావోయీ హోయ్
ఖుషీ ఖుషీ చేస్తేనే కలుగు హుషారు

చరణం: 2
స్వర్గం ఎక్కడనో లేదోయీ మొనగాడా
అంతా నాలోనే ఉందోయీ చెలికాడా
స్వర్గం ఎక్కడనో లేదోయీ మొనగాడా
అంతా నాలోనే ఉందోయీ చెలికాడా
నిజాన్ని తెలుసుకుని భుజాలు కలుపుకుని
నిజాన్ని తెలుసుకుని భుజాలు కలుపుకుని
సుఖాన్ని పొందాలి ఓ అందగాడా
విలువైన జీవితాన్ని అనుభవించవోయ్
వృధా చేయకోయ్... చేజారనీయకోయ్...
ఇదే సమయమోయ్....

అరె ఖుషీ ఖుషీ చేస్తేనే కలుగు హుషారు
బలె బలె మోగునులే వలపు సితారు
వలపు మజా చూపిస్తా ఇటురావోయీ హోయ్
ఖుషీ ఖుషీ చేస్తేనే కలుగు హుషారు





చిత్రం: దేవత (1965)
సంగీతం: ఎస్.పి. కోదండపాణి
సాహిత్యం: వీటూరి వెంకట సత్యసూర్యనారాయణమూర్తి
గానం: ఘంటసాల

పల్లవి:
బ్రతుకంతా బాదగా.. కలలోని గాధగా..
కన్నీటి ధారగా.. కరిగిపోయే...
తలచేది జరగదూ... జరిగేది తెలియదు..

బొమ్మను చేసీ ప్రాణము పోసీ ఆడేవు నీకిది వేడుకా
బొమ్మను చేసీ ప్రాణము పోసీ ఆడేవు నీకిది వేడుకా
గారడి చేసీ గుండెను కోసీ నవ్వేవు ఈ వింత చాలికా

బొమ్మను చేసీ ప్రాణము పోసీ ఆడేవు నీకిది వేడుకా

చరణం: 1
అందాలు సృష్టించినావు దయతో నీవు
మరలా నీ చేతితో నీవే తుడిచేవులే
దీపాలు నీవే వెలిగించినావే
గాడాంధకారాన విడిచేవులే
కొండంత ఆశ అడి ఆశ చేసీ
కొండంత ఆశ అడి ఆశ చేసీ
పాతాళ లోకాన తోచేవులే

బొమ్మను చేసీ ప్రాణము పోసీ ఆడేవు నీకిది వేడుకా

చరణం: 2
ఒకనాటి ఉధ్యానవనము నేడు కనము
అదియే మరుభూమిగా నీవు మార్చేవులే
ఒకనాటి ఉధ్యానవనము నేడు కనము
అదియే మరుభూమిగా నీవు మార్చేవులే
అనురాగ మధువు అందించి నీవు
ఆలహల జ్వాల చేసేవులే
ఆనందనంక పయనించు వేళా
ఆనందనంక పయనించు వేళా
శోకాల సంద్రాన ముంచేవులే

బొమ్మను చేసీ ప్రాణము పోసీ ఆడేవు నీకిది వేడుకా
గారడి చేసీ గుండెను కోసీ నవ్వేవు ఈ వింత చాలికా
బొమ్మను చేసీ ప్రాణము పోసీ ఆడేవు నీకిది వేడుకా





చిత్రం: దేవత (1965)
సంగీతం: ఎస్.పి. కోదండపాణి
సాహిత్యం: వీటూరి వెంకట సత్యసూర్యనారాయణమూర్తి
గానం: ఘంటసాల

జగమెల్ల పరికించు చల్లని జాబిల్లి
సుదతి సీతను నీవు చూడలేదా
ప్రతి చరాచరముల పయనించు చిరుగాలి
జానకి నెటనైనా కానలేదా
కరుణతో విశ్వమ్ముభరియించు భూమాతా
చెలిజాడ నీవైన తెలుపరాద
తరులార గిరులార నెరయు తారకలార
పడతి ఏమయ్యనో పలుకరాద
ఏది వైదేహి జానకి ఏది
సీత లేనిదే రాముడే లేడూ
లేడటంచు కరకు కొండల గుండెలే
కరగి మారుమ్రోగ ఎలుగెత్తి పిలిచెనా
రాఘవుండు సీతా... హా.. సీతా...





చిత్రం: దేవత (1965)
సంగీతం: ఎస్.పి. కోదండపాణి
సాహిత్యం: వీటూరి వెంకట సత్యసూర్యనారాయణమూర్తి
గానం: ఘంటసాల, పి.సుశీల

పల్లవి:
కన్నుల్లో మిసమిసలు కనిపించనీ
గుండెల్లో గుసగుసలు వినిపించనీ
కన్నుల్లో మిసమిసలు కనిపించనీ
నీ చూపుతో నన్ను ముడివేయకూ
ఈ పూలు వింటాయి సడిచేయకూ
నీ చూపుతో నన్ను ముడివేయకూ

చరణం: 1
సెలయేరు నవ్వుతుంది చిరుగాలి చూస్తుంది
నా పైట చెంగు లాగీ కవ్వించకు
సెలయేరు నవ్వుతుంది చిరుగాలి చూస్తుంది
నా పైట చెంగు లాగీ కవ్వించకు
అనువైన వేళ అందాలు దాచకూ
అనువైన వేళ అందాలు దాచకూ
అణువణువు నిన్నే కోరే మురిపించకూ
ఇకనైన నునుసిగ్గు తెరవేయకూ

నీ చూపుతో నన్ను ముడివేయకూ
ఈ పూలు వింటాయి సడిచేయకూ
కన్నుల్లో మిసమిసలు కనిపించనీ

చరణం: 2
ఎటు చూసినా నువ్వే వినిపించె నీ నవ్వే
మోహాలతో నన్ను మరిపించకూ
ఎటు చూసినా నువ్వే వినిపించె నీ నవ్వే
మోహాలతో నన్ను మరిపించకూ
మనలోని ప్రేమా మారాకు వేయనీ
మనలోని ప్రేమా మారాకు వేయనీ
మనసార ఒడిలో నన్ను నిదురించనీ
నీ నీలి ముంగురులు సవరించనీ

నీ చూపుతో నన్ను ముడివేయకూ
ఈ పూలు వింటాయి సడిచేయకూ
కన్నుల్లో మిసమిసలు కనిపించనీ
గుండెల్లో గుసగుసలు వినిపించనీ
కన్నుల్లో మిసమిసలు కనిపించనీ





చిత్రం: దేవత (1965)
సంగీతం: ఎస్.పి. కోదండపాణి
సాహిత్యం: కొసరాజు రాఘవయ్య
గానం: బి.పద్మనాభం, ఎల్.ఆర్. ఈశ్వరి

పల్లవి:
మావూరు మదరాసు, నా పేరు రాందాసు
మావూరు మదరాసు, నా పేరు రాందాసు
కమ్మని నీ పోజు కవ్వించే ఈ రోజు
కమ్మని నీ పోజు కవ్వించే ఈ రోజు
మదనపడి మనసు చెడి వచ్చానె అమ్మాయి

మావూరు మదరాసు, నా పేరు రాందాసు

మావూరు బొంబాయి, నా పేరు రాధాబాయి
మావూరు బొంబాయి, నా పేరు రాధాబాయి
ఏమిటి నీ బాధ ఏ మాత్రం నీ హోదా
ఏమిటి నీ బాధ ఏ మాత్రం నీ హోదా
ఆ విషయం ఆ వివరం చెప్పవోయి అబ్బాయి

మావూరు బొంబాయి, నా పేరు రాధాబాయి

చరణం: 1
రోడ్లమీద కార్లున్నాయ్  బ్యాంకుల్లో డబ్బులున్నాయ్
రోడ్లమీద కార్లున్నాయ్  బ్యాంకుల్లో డబ్బులున్నాయ్
దేవిడిచ్చిన కాళ్ళున్నాయ్ చూడ్డానికి కళ్ళున్నాయ్
మన బింకం మన పొంకం తెలిసిందా అమ్మయి

మావూరు మదరాసు, నా పేరు రాందాసు

క్యాడిలాక్ కారుందా? న్యూ మోడల్ మేడుందా ?
క్యాడిలాక్ కారుందా? న్యూ మోడల్ మేడుందా ?
ఇంటిముందు వ్యానుందా? నిదురబోను ఫ్యానుందా?
కాఫీలకు సినిమాలకు కరువేమీ లేదు కదా?

మావూరు బొంబాయి, నా పేరు రాధాబాయి

మావూరు మదరాసు, నా పేరు రాందాసు

చరణం: 2
వూరు తిరగ బస్సుంది పబాం... పబాం..
వుండను ఫ్లాట్ ఫారముంది హి.. హి..
వూరు తిరగ బస్సుంది పబాం... పబాం..
వుండను ఫ్లాట్ ఫారముంది హి.. హి..
కడుపు నిండా నీరు త్రాగ కార్పొరేషన్ టాపుంది
ఏమున్నా... లేకున్నా  ఏమున్నా లేకున్నా
మిన్నయైనదొకటుంది  మిన్నయైనదొకటుంది
ఏముంది ?
ప్రేమించే హృదయముంది
అదే నాకు కావాలి ఇతడె నన్ను ఏలాలి
అదే నాకు కావాలి ఇతడె నన్ను ఏలాలి
అబ్బాయిని అమ్మాయిని ఇద్దరినీ కనాలి
అబ్బాయిని అమ్మాయిని ఇద్దరినీ కనాలి
హాయిగా తాపీగా  హాయిగా తాపీగా
హాయిగా తాపీగా  హాయిగా తాపీగా
బ్రతుకు పరుగు తీయాలి బ్రతుకు పరుగు తీయాలి

మావూరు మదరాసు, నా పేరు రాందాసు
మావూరు బొంబాయి, నా పేరు రాధాబాయి





చిత్రం: దేవత (1965)
సంగీతం: ఎస్.పి. కోదండపాణి
సాహిత్యం: సి.నారాయణ రెడ్డి
గానం: మాధవ పెద్ది, యస్.జానకి

పల్లవి:
ఒహో.. హో హో ఓ ఓ ఓ యా యా యా ఓ ఓ ఓ
నాకు నీవే కావాలె రా ఓ.. ఓ.. ఓ..
నీకు నేను కావాలె రా ఆ...ఆ... ఆ..
ప్రక్కన నువు లేకుంటే...
ఒక్కదాన్నే వుంటె వూరంతా పడుకుంటే
ఏమో ఏమో ఏమేమొ ఆయరా

ఒహో.. హో హో ఓ ఓ ఓ యా యా యా ఓ ఓ ఓ

చరణం: 1
అద్దాన నీ రూపే ముద్దుగా కనిపించె
నిద్దరలో నీ పిలుపే కొద్దిగా వినిపించె
కలలో వస్తిని గమ్మత్తు చేస్తిని
అమ్మతోడు ఉలికులికి పడ్డానురా
నన్ను నమ్మరా ఇంక నమ్మరా
నిన్నిడిచి వుండలేనురా
ఓరయ్యో బలే ఓరయ్యో

చరణం: 2
ఒడ్డున పోతుంటే ఒళ్ళు జల్లుమన్నాదే
పడవను నడుపుతుంటే పట్టుదప్పిపోనాదే
చేపలు పడుతున్నా ఏ పని చేస్తున్నా
అమ్మతోడు చూపంతా నీ మీదనే
నన్ను నమ్మవే ఇంక నమ్మవే
నిన్నిడిచి పోలేనులే
ఓలమ్మీ భలే ఓలమ్మీ
నాకు నీవే కావాలె రా.. ఓ.. ఓ ... ఓ
నీకు నేను కావాలె రా ఆ...ఆ...ఆ
ఓయ్
మెత్తని ఇసుకుంది మత్తైన గాలుంది
కోరుకున్నపుడెల్ల కొబ్బరి నీరుంది
మెత్తని యిసుకేమి మత్తైన గాలికేమి
అన్నిటికి మించి నాకు నువ్వుంటివి
నీ అందమే ఆ అందమే పదివేల సొమ్మంటిని
ఓలమ్మీ భలే ఓలమ్మీ
ఓరయ్యో బలే ఓరయ్యో





చిత్రం: దేవత (1965)
సంగీతం: ఎస్.పి. కోదండపాణి
సాహిత్యం: వీటూరి వెంకట సత్యసూర్యనారాయణమూర్తి
గానం: ఘంటసాల, పి.సుశీల

పల్లవి:
తొలి వలపే పదే పదే పిలిచే
ఎదలో సందడి చేసే
తొలి వలపే పదే పదే పిలిచే
మదిలో మల్లెలు విరిసే... తొలివలపే...

చరణం: 1
ఏమో ఇది ఏమో
నీ పెదవుల విరిసే నవ్వుల పువ్వుల అందాలు
ఆ అందం అనుబంధం
నా మనసున నీకై నోచిన పూసిన కానుకలు
ఏమో ఇది ఏమో
నీ పెదవుల విరిసే నవ్వుల పువ్వుల అందాలు
ఆ అందం అనుబంధం
నా మనసున నీకై నోచిన పూసిన కానుకలు
నీ కనుల వెలిగేనే దీపాలు
అవి మీ ప్రేమకు ప్రతిరూపాలు
నీ కనుల వెలిగేనే దీపాలు
అవి మీ ప్రేమకు ప్రతిరూపాలు
మన అనురాగానికి హారతులు

తొలి వలపే పదే పదే పిలిచే
ఎదలో సందడి చేసే తొలి వలపే

గరి నిరిగా
ఆ ఆ ఆ
మగనిగమా
ఆ ఆ ఆ
గమ నీద నీదపా
ఆ ఆ ఆ

చరణం: 2
ఏలా ఈ వేళా
కడువింతగ తోచె తీయగ హాయిగ ఈ జగమూ
యవ్వనము అనుభవమూ
జతగూడిన వేళా కలిగిన వలపుల పరవశమూ
ఏలా ఈ వేళా
కడువింతగ తోచె తీయగ హాయిగ ఈ జగమూ
యవ్వనము అనుభవమూ
జతగూడిన వేళా కలిగిన వలపుల పరవశమూ
ఈ రేయి పలికెలే స్వాగతమూ
ఈనాడే బ్రతుకున శుభదినమా
ఈ రేయి పలికెలే స్వాగతమూ
ఈనాడే బ్రతుకున శుభదినమా
ఈ తనువే మనకిక చెరి సగమూ

తొలి వలపే పదే పదే పిలిచే
ఎదలో సందడి చేసే
తొలి వలపే పదే పదే పిలిచే
మదిలో మల్లెలు విరిసే... తొలివలపే...

Most Recent

Default