Home Movie Songs Devotional Songs Folk Songs Chitramala Image Gallery Contact Profiles About

Search Box

Aakasamantha (2009)


చిత్రం: ఆకాశమంత (2009)
సంగీతం: విద్యా సాగర్
సాహిత్యం: అనంత్ శ్రీరామ్
గానం: యస్.పి.బాలు
నటీనటులు: త్రిష , ప్రకాష్ రాజ్, ఐశ్వర్య, జగపతిబాబు
దర్శకత్వం: రాధా మోహన్
నిర్మాత: దిల్ రాజు
విడుదల తేది: 2009

దూరం కావాలా నన్నే విడిచీ
వేరై పోవాలా అన్నీ మరిచీ
ఎప్పుడూ ఒదిగే ఎదపై విసిగీ
దూరం కావాలా నన్నే విడిచీ
వేరై పోవాలా అన్నీ మరిచీ

వేలుని వీడని చేతుల వత్తిడి ఇంకా మరి గురుతుందే
లాలికి వాలిన రెప్పల సవ్వడి ఇంకా వినిపిస్తుందే
గుండెల అంచున పాదము తాకిడి ఇంకా నను తడిమిందే
పూటకి పూటకి పండగలౌ గతమింకా తరిమిందే

ఇన్నాళ్ళుగా ఇన్నేళ్ళుగా నువ్వే లోకం
నీ నాన్నగా నా ప్రేమలో ఉందా లోపం
వేరే దారే వెతికీ ..

దూరం కావాలా నన్నే విడిచీ
వేరై పోవాలా అన్నీ మరీచి

నమ్మిన వెంటనే తొందర పాటున నువ్వే మనసిచ్చావా
నా ప్రతి ఊపిరి నీ ప్రాణములో ఉంచానని మరిచావా
నాన్నని మించిన చల్లని ప్రేమని నీకే పంచిస్తాడా
కన్నుల చాటున మెల్లగ పెంచిన నిన్నే తను కాస్తాడా

నే కోరిన తీరాలనే చూశావేమో
నీ దారిలో ఆ తీరమే చేరావేమో
అయినా అయినా వెళుతూ ..

దూరం కావాలా నన్నే విడిచీ
వేరై పోవాలా అన్నీ మరిచీ
ఎప్పుడూ ఒదిగే ఎదపై విసిగీ
దూరం కావాలా నన్నే విడిచీ
వేరై పోవాలా అన్నీ మరిచీ


********   *********   *********


చిత్రం: ఆకాశమంత (2009)
సంగీతం: విద్యా సాగర్
సాహిత్యం: అనంత్ శ్రీరామ్
గానం: మధు బాలకృష్ణన్

ఆటలపాటల నవ్వుల పుత్తడి బొమ్మరా .. బొమ్మరా
ఆశగ చూసిన నాన్నకి పుట్టిన అమ్మరా .. అమ్మరా

మేఘాల పల్లకి తెప్పిస్తా .. లోకాన్ని కొత్తగ చూపిస్తా
వెన్నెలే తనపై కురిపిస్తా .. చల్లనీ హాయినందిస్తా (2)

అడుగులే పడుతుంటే .. ఎదనిలా తడుతుంటే
మధురమౌ భావాలేవో మోగే లోలోనా ..
పలుకులే పైకొస్తే .. చిలిపిగా పిలుపిస్తే
పులకలే పదులై వేలై పొంగే నాలోనా ..

లాలిపాటే నేనై .. లాలపోసే వాణ్ణై
లాలనే నింపనా లేత హృదయానా !

ఎగురుతూ నీ పాదం .. ఎదుగుతూ నీ రూపం
ఎదురుగా ఉంటే అంతే ఏదో ఆనందం
అడుగుతూ కాసేపూ .. అలుగుతూ కాసేపూ
అనుక్షణం నీతో ఉంటే ఎంతో సంతోషం

క్షణములెన్నౌతున్నా .. వయసు ఎంతొస్తున్నా
పాపవే పాపవే నాన్న నయనానా !


Most Recent

Default