Jai Jawan (1970)

చిత్రం: జై జవాన్ (1970)
సంగీతం: సాలూరి రాజేశ్వరరావు
సాహిత్యం: సినారె
గానం: ఘంటసాల, సుశీల
నటీనటులు: అక్కినేని నాగేశ్వరరావు, కృష్ణంరాజు, భారతి
దర్శకత్వం: డి. యోగానంద్
నిర్మాత: డి.మధుసూదనరావు
విడుదల తేది: 1970

(రాజేస్వరరావు వర్ధంతి  అక్టోబర్ 25 న)

మధుర భావాల సుమమాల
మనసులో పూచె ఈ వేళ
పసిడి కలలేవో చివురించే
ప్రణయ రాగాలు పలికించే

మధుర భావాల సుమమాల
మనసులో పూచె ఈ వేళ

ఎదను అలరించు హారములో
పొదిగితిరి ఎన్ని పెన్నిధులో
ఎదను అలరించు హారములో
పొదిగితిరి ఎన్ని పెన్నిధులో
మరువరాని మమతలన్నీ
మెరిసిపోవాలి కన్నులలో

మధుర భావాల సుమమాల
మనసులో పూచె ఈ వేళ

సిరుల తులతూగు చెలి ఉన్నా
కరుణ చిలికేవు నాపైన
సిరుల తులతూగు చెలి ఉన్నా
కరుణ చిలికేవు నాపైన
కలిమికన్నా చెలిమి మిన్న
కలవు మణులెన్నో నీలో

మధుర భావాల సుమమాల
మనసులో పూచె ఈ వేళ

ఒకే పధమందు పయనించి
ఒకే గమ్యమ్ము ఆశించి
ఒకే పధమందు పయనించి
ఒకే గమ్యమ్ము ఆశించి
ఒకే మనసై ఒకే తనువై
ఉదయశిఖరాలు చేరితిమి

మధుర భావాల సుమమాల
మనసులో పూచె ఈ వేళ
పసిడి కలలేవో చివురించే
ప్రణయ రాగాలు పలికించే

Share This: