Search Box

Mr. Nookayya (2012)



చిత్రం: మిస్టర్ నూకయ్య (2012)
సంగీతం : యువన్ శంకర్ రాజా
సాహిత్యం: లక్ష్మీ భూపాల్
గానం: ప్రియా హిమేష్ , రంజిత్
నటీనటులు: మంచు మనోజ్ , కృతి కర్బంధ, సనా ఖాన్
దర్శకత్వం: అని కన్నెగంటి
నిర్మాత: డి. యస్. రావు
విడుదల తేది: 08.03.2012

పల్లవి:
ఏ జన్మ బంధమో ఈ స్నేహం
ఏ దివ్య రూపమో నేస్తం
ఎన్నాళ్ళ మౌనమో ఈ రాగం
ఇన్నాళ్ల కొచ్చెనా సాయం
నేనున్నా అంది నీచూపే
నేనున్న ధ్యాస నీవైపే
ఔనన్నా ఎవరు కాదన్నా
నువ్వేనా ప్రాణం ప్రాణం

ఏ జన్మ బంధమో ఈ స్నేహం
ఏ దివ్య రూపమో నేస్తం
ఎన్నాళ్ళ మౌనమో ఈ రాగం
ఇన్నాళ్ల కొచ్చెనా సాయం

చరణం: 1
ఎంతెంత దూరం ఆనంద తీరం
అనుకుంటూ తిరిగా ఇన్నాళ్ళు
గోరంత స్నేహం కొండంత తోడై
కనిపించగానే కన్నీళ్లు
గుండెల్లో భారాలు  మాయమై
నీరెండల్లో సెలయేటి స్నానమై
నిను కోరితే నీ ఒడి చేరితే
మనసెగిరింది మేఘాల దారుల్లో

చరణం: 2
అపురూపమైన బంగారు నువ్వు
అనుకోని కలవై కలిశావు
క్షణ కాలమైన విడలేను నిన్ను
కను రెప్ప లోనే ఉంటావు
స్నేహాన్ని దాటాను ప్రేమతో
ఈ దేహాన్ని వదలాలి ప్రేమలో
నీ నీడగా నీ చెలికాడుగా
ప్రేమిస్తాను నీకన్న నిన్నెంతో

నేనున్నా అంది నీచూపే
నేనున్న ధ్యాస నీవైపే
ఔనన్నా ఎవరు కాదన్నా
నువ్వేనా ప్రాణం ప్రాణం

ఏ జన్మ బంధమో ఈ స్నేహం
ఏ దివ్య రూపమో నేస్తం
ఎన్నాళ్ళ మౌనమో ఈ రాగం
ఇన్నాళ్ళకొచ్చెనా సాయం

Most Recent

Default