Chitralahari (2019)

చిత్రం: చిత్రాలహరి (2019)
సంగీతం: దేవి శ్రీ ప్రసాద్
సాహిత్యం: చంద్రబోస్
గానం: కైలాష్ కెహర్, విష్ణు ప్రియ రవి
నటీనటులు: సాయిధరమ్ తేజ్, కళ్యాణి ప్రియదర్శిని, నివేద పేతురాజ్
దర్శకత్వం: కిషోర్ తిరుమల
నిర్మాతలు: నవీన్ యెర్నేని , వై. రవిశంకర్ , మోహన్ చెరుకూరి
బ్యానర్: మైత్రి మూవీ మేకర్స్
విడుదల తేది: 12.04.2019

ఓడిపోవడం అంటే ఆగిపోవడం కాదే
మరింత గొప్పగా పోరాడే అవకాశం పొందడమే
అడుగు అడుగు వెయ్యనిదే అంతరీక్షమే అందేనా
పడుతూ పడుతూ లేవనిదే
పసి పాదం పరుగులు తీసేనా
మునిగి మునిగి తేలనిదే
మహా సంద్రమే లొంగేనా
కరిగి కరిగి వెలగనిదే కొవ్వొత్తి చీకటిని తరిమేనా
ముగింపే ఏమైనా మధ్యలో వదలొద్దురా నీ సాధన

ప్రయత్నమే మొదటి విజయం
ప్రయత్నమే మన ఆయుధం (2)

ఓ ఓడిపోవడం అంటే ఆగిపోవడం కాదే
మరింత గొప్పగా పోరాడే అవకాశం పొందడమే

వెళ్లే దారుల్లోన రాళ్ళే అడ్డొస్తున్నా
అడ్డును కాస్తా మెట్టుగ మలచి ఎత్తుకు ఎదగాలి
చేసే పోరాటంలో రక్తం చిందేస్తున్నా
అది ఎర్ర సిరాగా నీ చరితను రాస్తుందనుకోవాలి
అడుగంటూ వేసాక ఆగకుండ సాగాలిర నీ సాధన

ప్రయత్నమే మొదటి విజయం
ప్రయత్నమే మన ఆయుధం (2)

ఓ ఓడిపోవడం అంటే ఆగిపోవడం కాదే
మరింత గొప్పగా పోరాడే అవకాశం పొందడమే