Search Box

Needi Naadi Oke Katha (2018)



చిత్రం: నీదీ నాదీ ఒకే కథ (2018)
సంగీతం:  సురేష్ బొబ్బిలి
సాహిత్యం: శ్రీనివాస్ జిలకర
గానం: నానీ, సోనీ
నటీనటులు: శ్రీవిష్ణు , సాత్నా టైటస్
దర్శకత్వం: వేణు ఉడుగుల
నిర్మాతలు: కృష్ణ ప్రసాద్ , ప్రశాంతి
విడుదల తేది: 23.03.2018

నాలోని నువ్వు నీలోని నేను
నవ్వేటి కన్నుల్లో కలలైనామూ కథలైనామూ

ఊగే ఈ గాలి పూసే ఆ తోట
మనమంతా నేడు ఒకటైనామూ ఒకటైనామూ

ఆ సీతాకోకలు ఈ మంచు కోనలు
నినునన్ను కలిపేటి నీలాల సిరులు
ఆ చేదు కాలం మారింది నేడు
చెరసాల బాధ పోతుంది చూడు

పొడిసే పొద్దు ఎగసే ఆనందం
శాశ్వత హోమం కాదిక నా దేహం
చెలియా నా ఊపిరి వచ్చెనుగా తిరిగి
పక్షుల గొంతుల్లో పాటను నేనిపుడు

నాలోని నువ్వు నీలోని నేను
మోసేటి నేలకు కనులైనామూ కనులైనామూ

హా హా హా హా హా హా హా

నీటిలొ ఈదే చేపకు ఎపుడైనా
దాహం వేస్తుందా తెలుసా నీకైనా
నింగిలొ ఎగిరే కొంగకు ఎపుడైనా
మలినం అంటేనా తెలుసా నీకైనా
లోయలు ఎన్నున్నా లోకం ఏమన్నా
శోకం ఎంతున్నా కాలం ఆగేనా
ఎవరూ ఏమన్నా
ఏ తోడు లేకున్నా నీడై నేనుంటా

పలికే ఆ చిలుక నవ్వే నెలవంక
ఎగిరే పిచ్చుకల స్వేచ్ఛే మాదింక
ఏలే భువనాన గెలిచిన జత మాది
మాలా మేమంటే బ్రతుకే ముద్దంటా

నాలోని నువ్వు నీలోని నేను
మోసేటి నేలకు కనులైనామూ


******  ******  ******


చిత్రం: నీదీ నాదీ ఒకే కథ (2018)
సంగీతం: సురేష్ బొబ్బిలి
సాహిత్యం: కందికొండ
గానం: చిన్మయి

ఏదో జరిగే ఏదో జరిగే
ఏదో తెలియనిది జరుగుతోందీ
ఎంటో కలిగే ఎంటో కలిగే
ఎప్పుడు ఎరుగనిది కలుగుతోందీ
మండే ఎండల్లో చలి వేస్తోందే
చల్లని చలిలోన చమటడుతోందే
మదిలో ఓ వర్షం మొదలయ్యిందే
ప్రాణం పోయెట్టుందే

తీయని గాయం చేసెను ప్రాయం
బిగ్గరగా నన్ను బిగిసిన ప్రణయం
ఏంటీ మొహం వలపుల తాపం
సంద్రం తాగిన తీరని దాహం

ఏదో జరిగే ఏదో జరిగే
ఏదో తెలియనిది జరుగుతోందే
ఎంటో కలిగే ఎంటో కలిగే
ఎప్పుడు ఎరుగనిది కలుగుతోందే

కలలే చేరే కనుల పక్షుల గుంపులుగా
అలలై నన్ను ముంచే లక్షల ఊహాలిలా
గుండె విరహం తో ఓ మండుతువుందే
తనువేమో ఓ తోడు కోరుతువుందే
అతడే కావాలంటూ అడుగుతువుందే
హృదయం ఈ రోజే...
ఏమిటి చిత్రం ఒకటే ఆత్రం
నాతో నాకయ్యెను చిలిపిగా యుద్దం
నిన్నటి శాంతం అయ్యెను అంతం
నాలో రేగేను చిరు భూకంపం

ఏదో జరిగే ఏదో జరిగే
ఏదో తెలియనిది జరుగుతోందే
ఎంటో కలిగే ఎంటో కలిగే
ఎప్పుడు ఎరుగనిది కలుగుతోందే

కల్లోలం నా ఆనందం ఒకటై ఎగసిందే
కన్నీరు పన్నీరు వరదై ముంచిందే
నా దేహం నాదసలు కానట్టుందే
నిన్నల్లే ఈ రోజు లేనట్టుందే
నేనసలు నేనేనా అనిపిస్తోందే
మైకం కమ్మేసిందే
నిమిషం నిమిషం తీయని నరకం
బాధలో చూస్తున్న నూతన స్వర్గం
మధురం మధురం మరిగెను రుధిరం
సన్నగా వణికెను ఎర్రని అధరం

ఏదో జరిగే ఏదో జరిగే
ఏదో తెలియనిది జరుగుతోందే
ఎంటో కలిగే ఎంటో కలిగే
ఎప్పుడు ఎరుగనిది కలుగుతోందే



No comments

Most Recent

Default