Search Box

MUSICAL HUNGAMA





Dorasani (2019)



చిత్రం: దొరసాని (2019)
సంగీతం: ప్రశాంత్ ఆర్ విహారి
సాహిత్యం: శ్రేష్ఠ
గానం: చిన్మయి శ్రీపాద
నటీనటులు: ఆనంద్ దేవరకొండ, శివాత్మిక రాజశేఖర్
దర్శకత్వం: కె.వి.ఆర్. మహేంద్ర
నిర్మాతలు: మధుర శ్రీధర్ రెడ్డి, యాష్ రంగినేని
విడుదల తేది: 12.07.2019

కళ్లలో కలవరమై కలవరమై
గుండెలో పరవశమో వరమై
కళ్లలో కలవరమై కలవరమో వరమే అవగా
గుండెలో పరవశమో వరమై
కళ్లలో కలవరమై కలవరమై  కలిగే కోరిక

ఏకాంతాల చెరలో స్వేచ్ఛగా
ఊహాలే ఎన్నో కొంటె కథలే చెప్పగా
ఆరాటాల వడిలో ఆడుతూ ప్రాణమే
ఆనందాల నిధికై చూడగా
ఊరించే ఊసులు ఎన్నో
ఉడికిస్తూ చంపుతుంటే
ఆ తపనలోన తనువు తుళ్ళి పడుతుంటే

పాల బుగ్గలోని తళుకులే
వెన్నుపూస లోన వణుకులై
కంటిపాప లోన కవితలా మారే
చిన్ని మనసులోని కోవెల
పసిడి వన్నెలోని నవ్వులా
లేత పెదవిపైన ముత్యమై మెరిసే

ఏమో ఏమో ఏమో అసలే మెల్లగా
ఎదపై తీపి మధువే చెల్లగా
ఏదో ఏదో ఏదో మైకమే ముద్దుగా
మైమరపించు మాయే చెయ్యగా
అణువణువు అలజడి రేగి
తమకంలో తేల్చుతుంటే
ఆ ఆదమరపులోన ఈడు సతమతమై

పాల బుగ్గలోని తళుకులే
వెన్నుపూస లోన వణుకులై
కంటిపాప లోన కవితలా మారే
చిన్ని మనసులోని కోవెల
పసిడి వన్నెలోని నవ్వులా
లేత పెదవిపైన ముత్యమై మెరిసే



No comments

AMAZON PRIME MOVIES

Most Recent

Default
google.com, pub-8613670326032963, DIRECT, f08c47fec0942fa0