Home Movie Songs Devotional Songs Folk Songs Chitramala Image Gallery Contact Profiles About

Search Box

Nuvvo Rai Neno Shilpi



పాట: నువ్వో రాయి నేనో శిల్పి
సంగీతం: చరణ్ అర్జున్
సాహిత్యం: చరణ్ అర్జున్
గానం: చరణ్ అర్జున్


నువ్వో రాయి నేనో శిల్పి పాట సాహిత్యం

 
హరి హరా...

నువ్వో రాయి, నేనో శిల్పీ 
చెక్కుతున్నంత సేపూ
నిన్ను నేనూ చెక్కుతున్నంత సేపూ
ఆ తరువాతా అంటారంతా
నిన్ను దేవుడనీ
నేనో అంటరానివాడిని

నువ్వో రాయి, నేనో శిల్పీ 
చెక్కుతున్నంత సేపూ
నిన్ను నేనూ చెక్కుతున్నంత సేపూ
ఆ తరువాతా అంటారంతా 
నిన్ను దేవుడనీ
నేనో అంటరానివాడిని

నీ గర్భ గుడినే కట్టేటపుడు
నేను పెద్ద మేసిరి
అది పూర్తయ్యాక లోనకొస్తావుంటే
నన్ను బయటికి తొస్తివి...

నిన్ను మేలు కొలుపగ డోలు సన్నాయి
నేనే వాయిస్తిని
కాని నిన్ను తాకే భాగ్యం లేదా
నేనేం పాపం చేస్తినీ

అయ్యో.... ఓ... ఓ...ఓ.... దేవా..ఆ..ఆ..ఆ...

నువ్వు నడిచెప్పుడు
నీ పాదాలు కందకుండా 
చేసాను నీకు చెప్పులు
నా పాదాలనే నీ గుళోన మోపనీవు
ఏంటయ్యా నా తప్పులూ

సింగారించా నీకు బంగారు వస్త్రాలెన్నో
నేసాయి నా చేతులు
కాని నిను చూడ రావాలంటే
నాకో జత బట్టల్ లేవు
ఏంటయ్యా మా రాతలు

నీ మాసిన బట్టలే మా ప్రసాదామని
నేను శుభ్రంచేస్తిని
కాని మలిన పడిన వాడివంటూ
దూరంగా ఉండాలంటివి

నీ ముందు వెలిగే దీపాంటలు
నా చెమట తో చేసినీ
కాని ఎందుకో మా మట్టి బ్రతుకున
ఏదీపం పెట్టవైతివి...

ఏ... ఏ... ఏ...

నోరే లేని మూగ జీవాలను గాయమని
గోసీ వో గొంగలీ ఇస్తివి
ఇప్పుడు వాటికి మాకు ఏ తేడాలే
లేవన్నట్లు చులకనగా వెనకబడెస్తివి

తల్లీ పాల వంటి తాటి కల్లు గీసే
నా గోసలు చూడవైతివి
వందడుగుల చెట్టే ఎక్కే నా కళ్ళకు 
నిన్నే మోసే భాగ్యాన్నే ఇవ్వవైతివి

నీ పల్లకీ చేసిన చేతులకు పాచిక
పుల్లయిన ఇవ్వకపోతివి
ఊళ్ళో అందరికీ నేనే క్షవరాలు చేస్తే
నా బ్రతుకే క్షవరం చేస్తివి

మా పుట్టుక బట్టీ చేసే పని బట్టీ 
ఏవేవో పేర్లు పెడితో
కాని ఉన్నోడు లేనోడంటూ తేడాలు చూపి
నీవు కూడా మనిషై పోతివి

No comments

Most Recent

Default